„დასავლეთის თასი 2017“ ზესტაფონში დაბინავდა
3 მარტს, იმერეთის რეგიონული ფეხბურთის ფედერაციის მიერ ორგანიზებული "დასავლეთის თასი 2017"-ს გათამაშება დასრულდა. ფინალურ მატჩში, წყალტუბოს 26 მაისის სახელობის ხელოვნურსაფარიან მოედანზე, ორი იმერული გუნდი - ზესტაფონის "მარგვეთი 2006" და ხონის "იმერეთი" დაუპირისპირდა ერთმანეთს. დაძაბული და საინტერესო ორთაბრძოლა ყვირილასპირელთა გამარჯვებით დასრულდა - 2:1.
„მარგვეთმა“ პენალტების სერიაში იმარჯვა
1 მარტს, იმერეთის რეგიონული ფეხბურთის ფედერაციის მიერ ორგანიზებული "დასავლეთის თასი 2017"-ს გათამაშების მეორე ნახევარფინალი გაიმართა. საღორიას საწვრთნელი ბაზის ხელოვნურსაფარიან მოედანზე ზესტაფონის "მარგვეთი 2006"-მა ქუთაისის "ტორპედო-2"-ს ძირითადი დროის ფრედ (2:2) დასრულების შემდეგ პენალტების სერიაში 5:4 მოუგო.
„იმერეთი“ „დასავლეთის თასი 2017“-ს პირველი ფინალისტია
28 თებერვალს წყალტუბომ "დასავლეთის თასი 2017"-ს გათამაშების პირველ ნახევარფინალს უმასპინძლა. 26 მაისის სახელობის სტადიონის ხელოვნურსაფარიან მოედანზე ერთმანეთის პირისპირ ხონის "იმერეთი" და ჩხოროწყუს "სამეგრელო" წარსდგნენ. მატჩის ძირითადი დრო ფრედ 2:2 დასრულდა და იმერლებმა 11-მეტრიანების სერიაში 4:3 იმარჯვეს.
დაწვრილებით...ბახმაროელთა დამაჯერებელი გამარჯვება
"დასავლეთის თასი 2017"-ს გათამაშებაზე II ჯგუფში კიდევ ერთი მატჩი შედგა. წყალტუბოს "სამგურალი-2" ჩოხატაურს ეწვია, სადაც ადგილობრივი "ბახმარო" დაუხვდა. თამაში გურულების უპირატესობით წარიმართა, რომლებიც უკვე მე-16 წუთისთვის 3:0-ს იგებდნენ. მატჩის ბოლოს თემურ ლორიას შეგირდებმა (კერძოდ, ონისე ჩინჩალაძემ) ერთი გოლიც გაიტანეს და მეტოქეს საბოლოოდ 4:0 მოუგეს.
ზესტაფონელთა ნაბიჯი ნახევარფინალისაკენ
"დასავლეთის თასი 2017"-ს გათამაშებაზე მორიგი მატჩი გაიმართა II ჯგუფში. წყალტუბოში "სამგურალი-2" ზესტაფონის "მარგვეთი 2006"-ს დაუპირისპირდა და 1:4 წააგო. ანგარიში წყალტუბოელებმა გახსნეს, მაგრამ საკუთარ კარში გატანილი გოლით. ზვიად ქუთათელაძის გაწვრთნილებმა გათანაბრება მალე შეძლეს (ბესო პატარიძე) და პირველი ტაიმიც ფრედ დასრულდა.