1


იმერეთის რეგიონალური 

ფეხბურთის ფედერაცია

რუსთაველის გამზირი №1
ტელ: 579598787
irff.dr@gmail.com

Home

იმერული კლუბების წარმატება

იმერეთის რეგიონული ფეხბურთის ფედერაცია ულოცავს იმერულ კლუბებს 2017 წლის სეზონის წარმატებით დასრულებას.
ქუთაისის ,,ტორპედოს" ჩემპიონის ტიტულის მოპოვებას, საჩხერის ,,ჩიხურას" დავით ყიფიანის სახელობის თასის დაუფლებას, სამტრედიის ,,სამტრედიას" მესამე საპრიზო ადგილის დაკავებას და წარმატებას უსურვებს ამ გუნდებს ევროსარბიელზე ასპარეზობისას.

ირფფ-ს სტუმრობა ზემო იმერეთში

დასრულდა იმერეთის 2017 წლის ღია ჩემპიონატი სხვადასხვა ასაკობრივ გუნდებს შორის.
2002 წელს დაბადებულ ჭაბუკებში ჯუმბერ ხაჟალიას სახელობის თასის გათამაშება ტარდებოდა. აქ ადგილები შემდეგი თანმიმდევრობით განაწილდა:
1. ,,მართვე" ქუთაისი.
2. ,,სპორტსკოლა" ჭიათურა.
3. ,,რაჭა" ამბროლაური.

2003 წელს დაბადებულ ჭაბუკებში გივი ნოდიას სახელობის თასზე საპრიზო სამეულში შემდეგი გუნდები გავიდნენ:
1. ,,ტორპედო" ქუთაისი.
2. ,,ჩიხურა" საჩხერე.
3. ,,სამტრედია" სამტრედია.

2004 წელს დაბადებულ ჭაბუკებში გარი სორდიას სახელობის თასზე ჩემპიონობა ,,მართვე" ქუთაისმა მოიპოვა. სამტრედიის ,,სამტრედია" მეორე ადგილს დაეუფლა, ხოლო ,,მარგვეთი - 2006" ზესტაფონი მესამე ადგილს დასჯერდა.
დღეს იმერეთის რეგიონული ფეხბურთის ფედერაცია (პრეზიდენტი დავით რუხაძე) ზემო იმერეთს სტუმრობდა. ვიზიტის მიზანი საპრიზო სამეულში გასული გუნდების დაჯილდოვება გახლდათ. პირველად ,,მარგვეთი - 2006" (მწვრთნელი მამუკა ფუტკარაძე) დაჯილდოვდა. ზესტაფონელთა გუნდს გარი სორდიას სახელობის თასი, ბრინჯაოს მედლები და მესამე ხარისხის დიპლომები გადაეცათ.
შემდეგ ვიზიტი საჩხერეში გაგრძელდა. ადგილობრივ ,,ჩიხურას" გუნდს (მწვრთნელი მირიან მიქაძე) გივი ნოდიას სახელობის თასი, ვერცხლის მედლები და მეორე ხარისხის დიპლომები გადაეცათ.
ირფფ-ს ვიზიტი ჭიათურაში დასრულდა. ,,სპორტსკოლა" ჭიათურის გუნდი (მწვრთნელები დავით ლოლაძე და ალექსანდრე მეცხოვრიშვილი) მეორე ადგილის დაკავებისთვის ჯუმბერ ხაჟალიას სახელობის თასით, ვერცხლის მედლებით და მეორე ხარისხის დიპლომებით დაჯილდოვდნენ.

გარი სორდიას სახელობის თასი ქუთაისის ,,მართვემ“ მოიპოვა.

დასრულდა გარი სორდიას სახელობის თასის გათამაშება 2004 წელს დაბადებულ ჭაბუკთა შორის. აღსანიშნავია, რომ მთელი ჩემპიონატი დაძაბულ ბრძოლაში მიმდინარეობდა და ტურნირის გამარჯვებული პრაქტიკულად ბოლო ტურში გამოვლინდა. ჩემპიონატის ფინიშზე სხვებზე უკეთ ,,მართვე" ქუთაისი გაისარჯა და 50 ქულით ჩემპიონობა მოიპოვა. სამტრედიის ,,სამტრედია" 45 ქულით მეორე ადგილს დაეუფლა, ხოლო ,,მარგვეთი - 2006" ზესტაფონი 41 ქულით მესამე ადგილს დასჯერდა.
დღეს ,,მართვეს" სკოლას იმერეთის რეგიონული ფეხბურთის ფედერაცია (პრეზიდენტი დავით რუხაძე) ესტუმრა და ჩემპიონატის გამარჯვებულ გუნდს (მწვრთნელი მერაბ შანიძე) გარი სორდიას სახელობის თასი, ოქროს მედლები და პირველი ხარისხის დიპლომები გადასცა.

,,ტორპედო" 2017 წლის ჩემპიონია

იმერეთის რეგიონული ფეხბურთის ფედერაცია ულოცავს ქუთაისის ,,ტორპედოს" ჩემპიონის ტიტულის მოპოვებას.

ჯუმბერ ხაჟალიას სახელობის თასს ,,მართვე" ქუთაისი დაეუფლა

დასრულდა იმერეთის 2017 წლის ღია ჩემპიონატი 2002 წელს დაბადებულ ჭაბუკთა შორის ჯუმბერ ხაჟალიას სახელობის თასზე.
ქუთაისის ,,მართვეს" სპორტულ მოედანზე გამართულ ბოლო ტურის შეხვედრაში ერთმანეთს ადგილობრივი ,,მართვე" და ,,რაჭა" ამბროლაური დაუპირისპირდნენ. მართალია ამ მატჩის შედეგი პრაქტიკულად არაფერს წყვეტდა, მაგრამ შეხვედრა მაინც საინტერესო გამოდგა. ორმხრივი შეტევების მიუხედავად მატჩი უგოლო ფრით 0-0 დასრულდა.
ამრიგად 2017 წლის ჩემპიონობა და ჯუმბერ ხაჟალიას სახელობის თასი ქუთაისის ,,მართვემ" მოიპოვა, რომელმაც ჩემპიონატი 28 ქულით დაასრულა. მეორე ადგილზე 19 ქულით ,,სპორტსკოლა" ჭიათურა გავიდა, ხოლო მესამე ადგილს 17 ქულით ,,რაჭა" ამბროლაური დაეუფლა.
მატჩის დაწყებამდე მოხდა შეხვედრაში მონაწილე გუნდების დაჯილდოვება. ირფფ-მ (პრეზიდენტი დავით რუხაძე) ქუთაისის ,,მართვეს" გუნდს ჩემპიონობისთვის განკუთვნილი თასი, ოქროს მედლები და პირველი ხარისხის დიპლომები გადასცა. ხოლო ამბროლაურის ,,რაჭას" ფეხბურთელები თასით, ბრინჯაოს მედლებითა და შესაბამისი დიპლომებით დაჯილდოვდნენ.

JPAGE_CURRENT_OF_TOTAL

Free business joomla templates