ტორპედოელთა პირველი გამარჯვება რამაზ შენგელიას თასის გათამაშებაზე
22 აპრილს, რამაზ შენგელიას სახელობის თასის გათამაშებაზე (2000-2001 წლებში დაბადებული ჭაბუკები) მე-3 ტურის კიდევ ერთი მატჩი გაიმართა. ქუთაისის "ტორპედომ" ონის საფეხბურთო სპორტსკოლის გუნდს უმასპინძლა და 4:2 მოუგო. მიმდინარე ჩემპიონატში ეს დავით ჯანაშიას გაწრთვნილთა მიერ მოპოვებული პირველი ქულები იყო.
გამარჯვებულთაგან დუბლი შეასრულა ბექა გობეჯიშვილმა, დავით ვარდანიძემ და გიორგი ტყეშელაშვილმა კი თითო გაიტანეს. სტუმართაგან თავი გიორგი ბურდილაძემ (2) გამოიჩინა.
| # | გუნდები | თ | მ | ფ | წ | ბ | ქ |
| 1 | "მართვე-2" (ქუთაისი) | 3 | 2 | 1 | 0 | 4-1 | 7 |
| 2 | "რაჭა" (ამბროლაური) | 2 | 2 | 0 | 0 | 8-1 | 6 |
| 3 | "მართვე-1" (ქუთაისი) | 3 | 2 | 0 | 1 | 6-2 | 6 |
| 4 | "მართვე" (ვანი) | 3 | 1 | 1 | 1 | 2-4 | 4 |
| 5 | "დინამო" (ბათუმი) | 2 | 1 | 0 | 1 | 3-2 | 3 |
| 6 | "მარგვეთი 2006" (ზესტაფონი) | 1 | 1 | 0 | 0 | 1-0 | 3 |
| 7 | "ტორპედო" (ქუთაისი) | 3 | 1 | 0 | 2 | 4-9 | 3 |
| 8 | "მაჭახელა-2" (ხელვაჩაური) | 2 | 0 | 0 | 2 | 1-4 | 0 |
| 9 | "სპორტსკოლა" (ონი) | 3 | 0 | 0 | 3 | 2-8 | 0 |
4 მატჩი გაიმართა ჯემალ ხერხაძის სახელობის გათამაშებაზე (2005-წლამდელები):
"საპოვნელა" (თერჯოლა) - "მართვე" (ვანი) 1:1
"იმერეთი" (ქუთაისი) - "სპორტსკოლა" (სამტრედია) 3:2
"მართვე" (ქუთაისი) - "ტორპედო" (ქუთაისი) 2:1
"ჩიხურა" (საჩხერე) - "ხვამლი" (ცაგერი) 0:1
ტაიმებში თითო გოლი გაცვალეს თერჯოლაში, სადაც ადგილობრივი "საპოვნელა" ვანის "მართვეს" იღებდა. მე-16 წუთზე საბა რობაქიძემ დააწინაურა მასპინძლები, ხოლო ლუკა გიორგაძემ 34-ე წუთზე შეძლო წონასწორობის აღდგენა - 1:1.
საინტერესო და უხვგოლიანი პაექრობა ჰქონდათ ქუთაისის "იმერეთისა" და სამტრედიის სპორტსკოლის გუნდებს. ორჯერ დაწინაურებულ მასპინძლებს (ვალერი წულუკიძე, ჯემალ დეისაძე) სტუმრებმა ორივეჯერ თემურ ანდრიაძის ზუსტი დარტყმებით უპასუხეს. თუმცა, მარცხს მაინც ვერ გადაურჩნენ - მატჩის მიწურულს ჯემალ დეისაძემ პენალტით შეძლო სოსო ბარქაიას გაწრთვნილთათვის გამარჯვების მოტანა - 3:2.
ქუთაისურ დერბიში თავდაპირველად "ტორპედო" დაწინაურდა (დავით კიკალეიშვილი), რასაც მართველების კაპიტანმა ლუკა ბრეგაძემ პირველსავე ტაიმში უპასუხა. რაც შეეხება გამარჯვების მომტან გოლს, იგი ვახო კვერნაძემ მატჩის მეორე 30-წუთეულში გაიტანა - 2:1.
საჩხერეში სტუმართა გამარჯვებით დასრულებული ერთადერთი მატჩი შედგა. "ჩიხურასთან" თემურ ახვლედიანის გაწრთვნილმა ცაგერის "ხვამლმა" სერგი ცინცაძის ზუსტი დარტყმით მოიგო - 0:1.
ქუთაისი, პუშკინის №3
