1


იმერეთის რეგიონალური 

ფეხბურთის ფედერაცია

რუსთაველის გამზირი №1
ტელ: 579598787
irff.dr@gmail.com

Home

ქუთაისში სფფ-ის იმერეთის რეგიონის საფეხბურთო აკადემიის მშენებლობა მიმდინარეობს

3 2

21 ივლისს საქართველოს ფეხბურთის ფედერაციის წარმომადგენლებმა, ლევან კობიაშვილმა, კახა ჭუმბურიძემ, ალექსანდრე იაშვილმა, აკაკი ალადაშვილმა და ზაზა ზამთარაძემ ქუთაისში იმერეთის რეგიონის საფეხბურთო აკადემიის მშენებლობა ადგილობრივი ხელისუფლების წარმომადგენლებთან ერთად დაათვალიერეს. პროექტის დეტალებს სახელმწიფო რწმუნებული იმერეთში, ზვიად შალამბერიძე, ქუთაისის მუნიციპალიტეტის მერი, იოსებ ხახალეიშვილი და ქუთაისის მაჟორიტარი, ზაზა ლომინაძე, იმერეთის რეგიონის ვეტერან ფეხბურთელებთან და საფეხბურთო კლუბ ქუთაისის "ტორპედოს" წარმომადგენლებთან ერთად გაეცნენ.

მშნებლობის დათვალიერების შემდეგ სტუმრებმა მედიისთვის კომენტარები გააკეთეს და აღნიშნული პროექტის მნიშვნელობაზე ისაუბრეს.

სფფ-ის პრეზიდენტი, ლევან კობიაშვილი: „ქუთაისში ფეხბურთის ფედერაცია მასშტაბურ პროექტს ახორციელებს. აქ შენდება საფეხბურთო აკადემია ოთხი სტანდარტული ზომის მოედნით, სადაც ორი ასაკობრივი გუნდი იცხოვრებს. აღნიშნული აკადემია იქნება იმერეთის და ზოგადად, საქართველოს საფეხბურთო ცენტრი. დამეთანხმებით, რომ ქუთაისს არაერთი სახელოვანი ფეხბურთელი გაუზრდია ეროვნული ნაკრებისა და ზოგადად, ქართული ფეხბურთისთვის და მე დარწმუნებული ვარ, რომ აღნიშნული პროექტის განხორციელება ხელს შეუწყობს ფეხბურთის განვითარებას ჩვენ ქვეყანაში".

პროექტის მიხედვით ადგილზე ორი ხელოვნური და ორი ბუნებრივსაფარიანი მოედანი მოეწყობა. ოთხივე მოედანი აღიჭურვება განათების სისტემით, ორ მოედანზე კი მოეწყობა ტრიბუნა. აკადემიის ტერიტორიაზე ასევე დაგეგმილია საცხოვრებელი კორპუსის მშენებლობა, სადაც გასახდელები, სასადილო, საკონფერენციო, სავარჯიშო და სხვადასხვა ადმინისტრაციული ოთახები მოეწყობა.

პროექტის დასრულების შემდეგ აღნიშნული ინფრასტრუქტურით საქართველოს ფეხბურთის ფედერაციის იმერეთის აკადემიის 14 და 15-წლამდე გუნდები ისარგებლებენ. აკადემიის აღსაზრდელების გარდა, კომპლექსის გამოყენება ადგილობრივ საფეხბურთო სკოლებს, მოყვარულთა და ქალთა გუნდებს სრულიად უფასოდ შეეძლებათ.

საქართველოს ფეხბურთის ფედერაციას მიწა აკადემიის ასაშენებლად ეკონომიკის სამინისტროს ქონების ეროვნული სააგენტოსგან საფეხბურთო ინფრასტრუქტურის მოწყობის ვალდებულებით გადაეცა. აღნიშნული პროექტი ფეხბურთის ფედერაციის, ფიფას პროგრამა FORWARD-ისა და უეფას HatTrick-ის დაფინანსებით განხორციელდება. ქუთაისის საფეხბურთო აკადემიის მშენებლობის დასრულება 2022 წლის შემოდგომაზე იგეგმება.

------------------------------------------------------------------------------------------------------------------------------------

ქართველი მსაჯები ევროტურნირებზე

KJR 1491


22 ივლისს ლატვიის ქალაქ იურმალაში ევროპის კონფერენციის ლიგის მეორე საკვალიფიკაციო ეტაპის მატჩს ქართველ მსაჯთა ბრიგადა გოგა კიკაჩეიშვილის ხელმძღვანელობით მოემსახურება. ლატვიის „რიგა FS"-ისა და უნგრეთის „პუშკაშის" მატჩზე გოგა კიკაჩეიშვილს ასისტენტობას დავით გაბისონია და გიორგი ელიკაშვილი გაუწევენ. მეოთხე მსაჯად კი ირაკლი ხერხაძე იმუშავებს.

------------------------------------------------------------------------------------------------------------------------------------

დებიუტი ევროთასებზე - ირაკლი კვირიკაშვილი მთავარი არბიტრის რანგში

site 1

15 ივლისს ლიეტუვის ქალაქ მარიამპოლეში, კონფერენს ლიგაზე ერთმანეთს კაუნასის „ჟალგირისი" და გიბრალტარის „ევროპა" დაუპირისპირდებიან. უეფა-ს გადაწყვეტილებით, ტურნირის პირველ საკვალიფიკაციო ეტაპის მატჩს ქართველი მსაჯები განსჯიან. მთავარი არბიტრი ირაკლი კვირიკაშვილი იქნება. მას ასისტენტობას დავით ახვლედიანი და დავით ჩიგოგიძე გაუწევენ, მეოთხე მსაჯი კი გოგა კიკაჩეიშვილია.

ირაკლი კვირიკაშვილისთვის, „ჟალგირისი" - „ევროპა", საერთაშორისო დონეზე პირველი მატჩია, რომელსაც ის მთავარი არბიტრის რანგში განსჯის.

შეგახსნებეთ, რომ ირაკლი კვირიკაშვილს ქართულ სამსაჯო ბრიგადასთან ერთად უეფა-ს ეგიდით გამართული სხვადასხვა დონის შეხვედრებზე უმუშავია, მათ შორის, უეფა-ს 21-წლამდე ფეხბურთელთა ევროპის ჩემპიონატის ჯგუფურ ეტაპის სამ მატჩსა და ფინალზე: გერმანია - პორტუგალია, სადაც მთავარი არბიტრი გიორგი ყრუაშვილი გახლდათ, ირაკლი კვირიკაშვილი კი მეოთხე მსაჯად მუშაობდა.
------------------------------------------------------------------------------------------------------------------------------------

უეფა-ს აღმასრულებელი კომიტეტის სხდომა ლონდონში

uefa executive committee - uefa euro 2020

11 ივლისს, ევრო 2020-ის ფინალის დაწყებამდე, ლონდონში უეფა-ს აღმასრულებელი კომიტეტის სხდომა გაიმართა, რომელშიც მონაწილეობას საქართველოს ფეხბურთის ფედერაციის პრეზიდენტი, ლევან კობიაშვილი იღებდა.

უეფას აღმასკომის სხდომაზე სხვადასხვა აქტუალური თემა განიხილეს, მათ შორის, ევროპული ფეხბურთის მმართველი ორგანოს გადაწყვეტილებით, 2022-23 წლის სეზონიდან, უეფა-ს წევრმა ყველა ქვეყანამ უნდა ჩამოაყალიბოს სტრატეგია ფეხბურთში სოციალური პასუხისმგებლობის (Fშღ) პროექტებისთვის და აირჩიოს მენეჯერი, რომელიც ამ საკითხებზე იქნება პასუხისმგებელი. თავის მხრივ, უეფა მზად არის მხარი დაუჭიროს ფედერაციებს ყოველწლიურად ორი პროექტის განხორციელებაში, რომელიც თანხვედრაშია უეფა-ს სოციალური პასუხისმგებლობის პოლიტიკასთან, ასევე ზემოთხსენებულ სტრატეგიის განვითარებასა და თანამშრომლების გადამზადებაში.

photo 2021-07-13 00.15.35 0

აღმასკომის სხდომაზე უეფას ფეხბურთის კომიტეტის თავმჯდომარის რანგში მოხსენებით წარდგა საქართველოს ფეხბურთის ფედერაციის პრეზიდენტი. ლევან კობიაშვილმა შეკრებილებს უეფას ფეხბურთის კომიტეტის შემაჯამებელი ანგარიში გააცნო.

უეფას აღმასრულებელი კომიტეტის მომდევნო სხდომა 2021 წლის 22 სექტემბერს მოლდოვაში, კიშინიოვში გაიმართება.

------------------------------------------------------------------------------------------------------------------------------------

ფეხბურთის გამაერთიანებელ ძალას შეუძლია ბარიერების დამსხვრევა და თემების აშენება

fsr news

უეფას ოფიციალურმა ვებ-გვერდმა წევრი ასოციაციების მიერ სოციალური პასუხისმგებლობის ფარგლებში განხორციელებულ აქტივობებს სტატია მიუძღვნა. ევროპული ფეხბურთის მმართველმა ორგანომ ამ მიმართულებით სფფ-ის მუშაობა გამორჩია.

ევრო 2020 ასრულებს მოწინავე როლს ევროპულ ქვეყნებში ფეხბურთის მეშვეობით დისკრიმინაციასთან ბრძოლის ხელშეწყობაში

უეფა ყოველ წელს ევროპის ჩემპიონატიდან მიღებული შემოსავლებიდან 100,000 ევროს უნაწილებს თითოეულ მის წევრ ასოციაციას სოციალური პასუხისმგებლობის პროექტების განსახორციელებლად. ერთადერთი წინაპირობა კი ის არის, რომ აღნიშნული პროგრამები ფეხბურთის მეშვეობით ხელს უნდა უწყობდნენ პრინციპულ გლობალურ პრობლემებთან ბრძოლას.

"როდესაც შენს სპორტს მილიონობით ადამიანი უყურებს და თამაშობს, მაშინ შენს ქმედებებსაც მნიშვნელოვანი გავლენა აქვს საზოგადოებაზე", ამბობს უეფა-ს სოციალური პასუხისმგებლობის განყოფილების უფროსი მიკელე უვა. "ჩვენ გვჯერა, რომ ფეხბურთს შეუძლია წამყვანი როლი შეასრულოს ადამიანის უფლებებისა და გარემოს დაცვის მიმართულებით ქცევის შეცვლაში.

"წელს ჩვენ 12 მილიონ ევროს ჩავდებთ სოციალური პასუხისმგებლობის აქტივობათა ხელშეწყობაში. ჩვენთვის ეს არის ინვესტიცია მომავალში - როგორც ფეხბურთის, ისე საზოგადოების სასიკეთოდ".

მხოლოდ 2019/2020 წწ. სეზონში ევროპის 46-მა ასოციაციამ უეფა-ს მიერ გამოყოფილი ფული ჩადო მარგინალიზებული ჯგუფებისთვის (ლტოლვილებისთვის, შშმ პირებისთვის, ნარკოტიკულ ნივთიერებებზე დამოკიდებული პირებისთვის, ეთნიკური, რელიგიური და სექსუალური უმცირესობებისთვის, პატიმრებისა და ობოლი ბავშვებისთვის) თანაბარი შესაძლებლობების შექმნაზე მიმართულ პროექტებში.

საქართველო | ნიკოლოზ თევდორაძე, სფფ-ის სოციალური პასუხისმგებლობის მენეჯერი

რა არის თქვენი პროექტის სახელწოდება?

"საქართველოს ამპუტანტთა ლიგა და თასი."

რატომ არის თქვენი სოციალური პასუხისმგებლობის პროგრამა ამპუტანტ ფეხბურთელებზე ფოკუსირებული ?

"საქართველოში ჩვენ გვყავს ბევრი ამპუტანტი ფეხბურთელი, რომლებმაც ომის ან უბედური შემთხვევების შედეგად მიიღო დაზიანება. ჩვენი ფედერაცია გრძნობს მორალურ პასუხისმგებლობას, დაეხმაროს ამ მოთამაშეებს. პირველ რიგში ჩვენ მათთვის უზრუნველვყოფთ სავარჯიშო და სათამაშო პირობებს, ხოლო ჩვენი მეორე მიზანია მათი გაწევრიანება საფეხბურთო საზოგადოებაში.

"ჩვენი მთავარი მიზანია, საქართველოში ყველა ადამიანს მიეცეს პროფესიულ ან სამოყვარულ დონეზე უსაფრთხო გარემოში ფეხბურთის თამაშის შესაძლებლობა. ამპუტანტთა ლიგისა და თასის შეჯიბრებმა კიდევ ერთხელ დაგვანახა, რომ შშმ პირებისთვის შესაძლებელია საზოგადოებაში ინტეგრაცია."

როგორ ფუნქციონირებს ეს პროექტი?

"ამპუტანტთა ჩემპიონატში ყოველწლიურად ჩართულია ექვსი გუნდი, რომელიც წარმოადგენს საქართველოს 5 ქალაქს. ამპუტანტთა თასის გათამაშებაში ეს ექვსი გუნდი იყოფა ორ ჯგუფად (აღმოსავლეთი და დასავლეთი), ხოლო ჯგუფის გამარჯვებულები ერთმანეთს ფინალში ხვდებიან. სეზონის ბოლოს ჩვენ ასევე ვატარებთ სუპერთასის გათამაშებას, სადაც ამპუტანტთა ლიგისა და თასის გამარჯვებულები ერთმანეთს ხვდებიან.


"უეფა-ს ფინანსური მხარდაჭერის გარეშე შეუძლებელი იქნებოდა ამ პროექტის განხორციელება."

რა არის ამ პროექტის ყველაზე დიდი წარმატება?

"ევროპის ამპუტანტთა ფეხბურთის ასოციაციასთან ერთად თბილისში ამპუტანტთა ჩემპიონთა ლიგის პირველი გათამაშების ჩატარება.

"ეს იყო მართლაც დაუვიწყარი მომენტი ექვსი მონაწილე გუნდისთვის. ესენი იყო "ევერტონი" (ინგლისი), "კორკ სიტი" (ირლანდია), "ორტოტეკი" (თურქეთი), "დინამო-ალტაი" (რუსეთი), "ლეგია" (პოლონეთი) და ჩვენი აფკ "თბილისი" (საქართველო).

"მხოლოდ ჩვენ ამპუტანტ ფეხბურთელთა სიხარულის დასანახად ღირდა ამ შეჯიბრის ჩატარება."

------------------------------------------------------------------------------------------------------------------------------------

JPAGE_CURRENT_OF_TOTAL

Free business joomla templates