23-24 აპრილს, საქართველოს ფეხბურთის მწვრთნელთა პროფესიული განათლებისა და განვითარების განყოფილების და იმერეთის რეგიონალური ფეხბურთის ფედერაციის ჩართულობით ქუთაისში, ეროვნული კატეგორიის C ლიცენზიის მქონე მწვრთნელთა გადამზადების კურსები გაიმართა.

იმერეთის რეგიონალური ფეხბურთის ფედერაცია ულოცავს
ს.კ. ,,ტორპედო" ქუთაისს საქართველოს სუპერთასის მოგებას
და უსურვებს 2019 წლის სეზონში წარმატებებს.

18 თებერვალს 13/00 სთ-ზე იმერეთის რეგიონალური ფეხბურთის ფედერაციაში შედგა შეხვედრა
დასავლეთ საქართველოს რეგიონული ლიგის "ა" ჯგუფის გუნდების წარმომადგენლებთან,
რის შემდეგ დადგინდა პირველი ეტაპის კალენდარი.

8 დეკემბერს, იმერეთის რეგიონალურმა ფეხბურთის ფედერაციამ (პრეზიდენტი დავით რუხაძე) ხაშურში დააჯილდოვა ადგილობრივი „ივერიას"(მწვრთნელი ვ. გელაშვილი) ჭაბუკთა გუნდი, რომელმაც მეორე ადგილი დაიკავა U-17 (2001-2002 წ.დ შორის) „რამაზ შენგელიას" სახელობის თასის გათამაშებაში და მათ გადაეცათ თასი, შესაბამისი მედლები და დიპლომები.

5 დეკემბერს, იმერეთის რეგიონალურ ფეხბურთის ფედერაციაში დაჯილდოვდნენ U-11 (2007 წ.დ შორის) „მერაბ მეგრელაძის" სახელობის თასის გათამაშების გამორჩეული ფეხბურთელები:

1.საუკეთესო მეკარე - გურამი ჩხიკვაძე („მარგვეთი 2006", მწვრთნელი. დ. ხუჯაძე)
2.საუკეთესო მცველი - ლაშა მამფორია („მართვე"ქთ, მწვრთნელი. გ. კუხიანიძე)
3.საუკეთესო ნახევარმცველი - თორნიკე მაჭარაშვილი („ჩიხურა", მწვრთნელი. რ.ხახიშვილი)
4.საუკეთესო თავდამსხმელი - რომან ვაჩეიშვილი („სამტრედია", მწვრთნელი. ლ. მეგენეიშვილი)
5.საუკეთესო ფეხბურთელი - გიორგი ბენდელიანი („ტორპედო", მწვრთნელი. ა. კვერნაძე)

3 დეკემბერს იმერეთის რეგიონალური ფეხბურთის ფედერაციამ ზესტაფონში დააჯილდოვა ადგილობრივი „მარგვეთი 2006" -ის ჭაბუკთა გუნდი (მწვრთნელი მ. ღონღაძე), რომელმაც მესამე ადგილი დაიკავა U-12 (2006 წ.) შორის „გარი სორდიას" სახელობის თასზე, შემდეგ კი ჭიათურაში ადგილობრივი „სპორტული სკოლის" გუნდი (მწვრთნელები: მ. ქაშაკაშვილი, ა. თაბაგარი), რომელმაც მეორე ადგილი დაიკავა U-15 (2003 წ.) შორის „ჯუმბერ ხაჟალიას "სახელობის თასის გათამაშებაში. ორივე გუნდს გადაეცა თასები, შესაბამისი ხარისხის დიპლომები და მედლები.

27 ნოემბერს იმერეთის რეგიონალურმა ფეხბურთის ფედერაციამ დააჯილდოვა ქუთაისის „მართვე" (მწვრთნელი მ.ჯავახაძე), რომელმაც დაიკავა მეორე ადგილი „გარი სორდიას" სახელობის თასის გათამაშებაში U-12 (2006 წ.დ. შორის), მათ გადაეცათ თასი, შესაბამისი ხარისხის მედლები და დიპლომები.

25-26 ნოემბერს იმერეთის რეგიონალური ფეხბურთის ფედერაციამ (პრეზიდენტი დ. რუხაძე) სამტრედიაში, ოზურგეთსა და ქუთაისში დააჯილდოვა სხვადასხვა გათამაშების მესამე ადგილოსნები: ,,როინ კვასხვაძის" სახელობის თასზე ,,სამტრედია" სამტრედია (მწვრთნწლები: ნ. ჩიგოგიძე და ს. გოგია), ,,ჯუმბერ ხაჟალიას" სახელობის თასზე ,,მერცხალი" ოზურგეთი (მწვრთნელი ვ. ჩხაიძე) და ,,გივი ნოდიას" სახელობის თასზე ,,ტორპედო" ქუთაისი (მწვრთნელი ვ.მუშკუდიანი), რომლებსაც გადაეცათ თასები, შესაბამისი ხარისხის მედლები და დიპლომები.

იმერეთის რეგიონალური ფეხბურთის ფედერაცია ულოცავს საფეხბურთო კლუბ ,,ტორპედო" ქუთაისს დავით ყიფიანის სახელობის თასის დაუფლებას და უსურვებს მომავალ წელს ევროთასებზე წარმატებულ გამოსვლას.

18 ნოემბერს ქ. ქუთაისში ,,კოლხიდას" სტადიონზე გაიმართა U-12 (2006 წ.დ. შორის) ,,გარი სორდიას" სახელობის თასის გათამაშების ბოლო ტურის შეხვედრა, სადაც მარტვილის ,,მერანი" მასპინძლობდა ქობულეთის ,,შუქურას", თამაში დასრულდა მასპინძელთა გამარჯვებით 1-0. მიუხედავათ ამ მარცხისა ქობულეთის ,,შუქურა" ამ გათამაშების ჩემპიონი გახდა, შესაბამისად ირფფ-ს პრეზიდენტმა დავით რუხაძემ და საშეჯიბრო განყოფილების უფროსმა ნუგზარ რუსიშვილმა ჩემპიონები დააჯილდოვეს შესაბამისი თასით, I - ლი ხარისხის მედლებითა და დიპლომებით.

16 ნოემბერს, იმერეთის რეგიონალური ფეხბურთის ფედერაციაში დაჯილდოვდნენ U-10 (2008 წ.დ) "ჯემალ ხერხაძის" სახელობის თასის გათამაშების გამორჩეული ფეხბურთელები

1. საუკეთესო მეკარე - საბა ამაღლობელი ("სამტრედია", მწვრთნელი. ო. ზაქარეიშვილი)
2. საუკეთესო მცველი - მათე გაბრიაძე ("მართვე" ქთ, მწვრთნელი. გ.კუხიანიძე)
3. საუკეთესო ნახევარმცველი - საბა ჩხეტიანი ("ტორპედო", მწვრთნელი. რ. ჩიხლაძე)
4. საუკეთესო თავდამსხმელი - ცოტნე თოდაძე ("ჩიხურა", მწვრთნელი. ნ.გოგოლაძე)
5. საუკეთესო ფეხბურთელი - თემური ცეცხლაძე ("ქუთაისი", მწვრთნელი. გ.ცუცქირიძე)

იმერეთის რეგიონალური ფეხბურთის ფედერაციამ (პრეზიდენტი დავით რუხაძე) დღეს, 16 ნოემბერს ბაღდათში დააჯილდოვა "საირმე" ბაღდათის (მწვრთნელი ი.ეხვაია) გუნდი, რომელმაც მოიპოვა მესამე ადგილი U-17 (2001-2002 წ.დ. შორის) "რამაზ შენგელიას" სახელობის თასის გათამაშებაში. ირფფ-ს პრეზიდენტმა დავით რუხაძემ და საშეჯიბრო განყოფილების უფროსმა ნუგზარ რუსიშვილმა საპატიო მესამე ადგილის შესაბამისი თასი, მედლები და დიპლომები გადასცენ გამარჯვებულ გუნდს.

ქუთაისის ,,ტორპედომ” ევროპა ლიგის საკვალიფიკაციო ეტაპის მეორე რაუნდის პირველ მატჩში ფარერის კუნძულების ,,ვიკინგურს” უმასპინძლა და 3:0 დაამარცხა. იმერეთის რეგიონალური ფეხბურთის ფედერაცია ულოცავს გამარჯვებას და უსურვებს წარმატებას განმეორებით შეხვედრაში 

იმერეთის რეგიონალური ფეხბურთის ფედერაცია ულოცავს ს.კ.,,ჩიხურა” საჩხერეს გამარჯვებას ,,ბეითარ”იერუსალიმთან და უსურვებს წარმატებებს ევროპალიგის შემდეგ ეტაპზე.

იმერეთის რეგიონალური ფეხბურთის ფედერაცია ულოცავს ს.კ. ,,ტორპედო” ქუთაისს ,,შერიფი” ტირასპოლთან ჩემპიონთა ლიგის საკვალიფიკაციო მატჩში გამარჯვებას და უსურვებს შემდეგ ეტაპზე გასვლას.

უკვე დასრულებულ იმერეთის 2017 წლის ღია ჩემპიონატში ასაკობრივ გუნდებს შორის საკმაოდ წარმატებით გამოვიდნენ სამტრედიელი ჭაბუკები. დღეს ირფფ სამტრედიას სტუმრობდა. ვიზიტის მიზანი ადგილობრივი გუნდების დაჯილდოვება გახლდათ. ეროსი მანჯგალაძის სახელობის სტადიონზე მდებარე დარბაზში შეკრებილ ბავშვებს ირფფ-ს პრეზიდენტმა დავით რუხაძემ და კლუბის დირექტორმა პაატა შალამბერიძემ სიტყვით მიმართეს. მათ საპრიზო ადგილების დაკავება მიულოცეს, სწავლასა და სპორტულ კარიერაში წარმატებები უსურვეს და დამსახურებული პრიზები გადასცეს.
პირველად 2003 წელს დაბადებული ჭაბუკები (მწვრთნელი ნოე ჩიგოგიძე) დაჯილდოვდნენ. მათ გივი ნოდიას სახელობის თასი, ბრინჯაოს მედლები და მესამე ხარისხის დიპლომები გადაეცათ. შემდეგ 2004 წელს დაბადებულთა (მწვრთნელები: ოთარ ზაქარეიშვილი, დავით ნინუა და ლერი მეგენეიშვილი) ჯერი დადგა. მათ გარი სორდიას სახელობის თასი, ვერცხლის მედლები და მეორე ხარისხის დიპლომები გადაეცათ.