მიქაელ მამასახლისმა „მართვეს“ პოკერით მოაგებინა

დღეს, სამ იმერულ ქალაქში 2002 წელს დაბადებულ ჭაბუკთა შორის ჯუმბერ ხაჟალიას სახელობის თასის გათამაშება დაიწყო. ვიდრე ქუთაისის "მართვესა" და ამბროლაურის "რაჭას" პაექრობა დაიწყებოდა, ირფფ-ს წარმომადგენელმა ვახტანგ დათიაშვილმა შარშანდელ გათამაშებაში გამარჯვებისთვის თასი "მართვეს" კაპიტანს გადასცა. ეს ჯილდო ზვიად ენდელაძისა და გიორგი გაბიჩვაძის გაწრთვნილებმა 2016 წლის დეკემბერში გამართულ გადამწყვეტ მატჩში "სამტრედიას" ძლევისთვის (2:1) დაიმსახურეს.

ვეტერანებმა თეიმურაზ ცნობილაძის ხსოვნას პატივი მიაგეს

ირფფ-ს თაოსნობით, 7 აპრილს, წარსულში ცნობილი ფეხბურთელის თეიმურაზ ცნობილაძის ხსოვნისადმი მიძღვნილი მატჩი გაიმართა. "ცამცეს" პატივსაგებ მატჩში, რომელიც წყალტუბოს 26 მაისის სახელობის სტადიონის ხელოვნურსაფანიან მოედანზე შედგა, ერთმანეთს ადგილობრივი "სამგურალისა" და ქუთაისის "ტორპედოს" ვეტერანები დაუპირისპირდნენ. ორმა 20-20-წუთიანმა ტაიმმა გამარჯვებული ვერ გამოავლინა - 5:5.

შარშანდელმა ჩემპიონმა 2003-წლამდელთა სტარტი წელსაც მოგებით აიღო

6 აპრილს, ირფფ-ს ორგანიზებული გივი ნოდიას სახელობის თასის გათამაშებაც დაიწყო. თუმცა, ვიდრე გუნდები ტურის პირველი მატჩს დაიწყებდნენ, ფედერაციის წარმომადგენელმა ვახტანგ დათიაშვილმა შარშანდელი ტურნირის გამარჯვებულ საჩხერის ”ჩიხურას” (მწრთვნელი მირიან მიქაძე) თასთან ერთად, ღია ჩემპიონატის მოგებისთვის საპატიო სიგელიც გადასცა.

დაწვრილებით...

რამაზ შენგელიას თასზე პირველი ტური დამთავრდა

იმერეთის ღია ჩემპიონატზე 2000-2001 წლებში დაბადებულმა ჭაბუკებმა, დღეს პირველი ტურის მატჩი გამართეს. ქუთაისში, კერძოდ კი საღორიის საწვრთნელი ბაზის ხელოვნურსაფარიან მოედანზე "ტორპედომ" ზესტაფონის "მარგვეთი 2006"-ს უმასპინძლა და 0:1 წააგო. თამაზ გაბრიჭიძის გაწვრთნილმა ყვირილასპირელებმა საბა ბაზაძის გოლით იმარჯვეს.