„ტორპედომ“ კანკიას ჰეთ თრიკით მოიგო

გუშინ ჯემალ ხერხაძის სახელობის გათამაშებაზე (2005-წლამდე ჭაბუკები) X ტურის მატჩები გაიმართა:

"იმერეთი" (ხონი) - "ტორპედო" (ქუთაისი) 1:3 (0:3)
"სპორტსკოლა" (სამტრედია) - "მართვე" (ვანი) 1:0 (0:0)
"ჩიხურა" (საჩხერე) - "მართვე" (ქუთაისი) 2:1 (1:0)
"იმერეთი" (ქუთაისი) - "მარგვეთი 2006" (ზესტაფონი) 1:5 (1:2)

ხონში, ვალერი მუშკუდიანის გაწვრთნილი ქუთაისის "ტორპედო" გიორგი კანკიას ჰეთ თრიკით (12 პენ, 25, 28) იგებდა. მასპინძელმა საბა კუხალაშვილმა მხოლოდ მატჩის მიწურულს (55) შეძლო პრესტიჟის გოლის გატანა - 1:3.

თამაშის ბოლოსწინა წუთზე გატანილი გოლით იმარჯვა სამტრედიის "სპორტსკოლამ" ვანელებთან ასპარეზობისას. თავი გუნდის საუკეთესო მეგოლე თეიმურაზ ანდრიაძემ გამოიჩინა - 1:0.

საჩხერეში მასპინძლები იური ერაძემ მე-15 წუთზე დააწინაურა. ზემოიმერელმა ზურა დემეტრაშვილმა 46-ე წუთზე ორამდე გაზარდა "ჩიხურას" უპირატესობა. აქედან 3 წუთში ქუთაისელმა გიორგი ხიდეშელმა პირველი ტაიმის სტატუს-კვო აღადგინა და მატჩიც ასე დამთავრდა - 2:1.

სტუმრად დამაჯერებელი გამარჯვება (5:1) იზეიმა მალხაზ ღონღაძის გაწვრთნილმა "მარგვეთი 2006"-მა. ქუთათურთაგან გოლი გიგი მაწკეპლაძემ (16) გაიტანა, ხოლო ზესტაფონელთა გოლები ერეკლე მაღლაკელიძის (12), სანდრო კვანტიძის (30), ნიკა სებისკვერაძის (35), ზაზა კიკნაველიძის (43) და ლუკა კახნიაშვილის (45) აქტივშია.