15 მაისს, რამაზ შენგელიას სახელობის ცენტრალურ სტადიონზე 2005-წლამდე ჭაბუკებს შორის 5 მაისს დაწყებული საფეხბურთო ტურნირის ფინალი გაიმართა. ქუთაისის მერიისა და იმერეთის რეგიონული ფეხბურთის ფედერაციის მიერ ორგანიზებულ რამაზ შენგელიას სახელობის გათამაშების მთავარი პრიზისთვის ერთმანეთს ქუთაისის "ტორპედო" და ზესტაფონის "მარგვეთი 2006" დაუპირისპირდნენ.

ქუთაისის მერიისა და იმერეთის რეგიონული ფეხბურთის ფედერაციის მიერ ორგანიზებულ რამაზ შენგელიას სახელობის ტურნირზე III ადგილისთვის მატჩი გაიმართა. ჭომაში მდებარე მოედანზე ერთმანეთის პირისპირ ქუთაისისა და ვანის "მართვეები" წარსდგნენ. გუშინდელ ნახევარფინალებში პირველმა თანაქალაქელ "ტორპედოსთან" 0:4 წააგო, მეორემ კი - ზესტაფონის "მარგვეთი 2006"-თან პენალტების სერიაში დათმო დრამატული ორთაბრძოლა.

13 მაისს, ქუთაისის მერიისა და ირფფ-ს მიერ ორგანიზებული რამაზ შენგელიას სახელობის ტურნირის ნახევარფინალური მატჩები გაიმართა.

7 მაისს, ჭომის სტადიონზე დასრულდა ფეხბურთში 13 მაისის ისტორიული გამარჯვებისადმი მიძღვნილი რამაზ შენგელიას სახელობის ტურნირის ჯგუფური ეტაპი. მასში 2005 წლამდე ჭაბუკებით დაკომპლექტებული იმერეთის რეგიონის 8 გუნდი მონაწილეობდა.

დღეს ქუთაისის ჭომის სტადიონზე, ირფფ-სა და ადგილობრივი მერიის მიერ ორგანიზებული რამაზ შენგელიას სახელობის ტურნირის ჯგუფურ ეტაპზე მე-2 ტურის მატჩები გაიმართა. I ჯგუფში უკვე გამოვლინდნენ პლეი ოფის საგზურის მფლობელები, ხოლო II ჯგუფში ყველაფერი ხვალინდელ თამაშებში გაირკვევა.

5 მაისს, ჭომის სტადიონზე სტარტი აიღო ფეხბურთში 13 მაისის ისტორიული გამარჯვებისადმი მიძღვნილმა რამაზ შენგელიას სახელობის ტურნირმა. მასში მონაწილეობას იღებს იმერეთის რეგიონის 8 გუნდი, რომლებიც 2005 წლამდე ჭაბუკებით არიან დაკომპლექტებულები.

ხვალიდან ქუთაისი ფეხბურთში 13 მაისის ისტორიული გამარჯვებისადმი მიძღვნილ რამაზ შენგელიას სახელობის ტურნირს უმასპინძლებს. გათამაშებას, რომელშიც იმერეთის რეგიონის 2005 წლამდე დაბადებულ ჭაბუკთა 8 გუნდი მონაწილეობს, ორგანიზებას ქ. ქუთაისის მერიის კულტურის, სპორტის, განათლების, ძეგლთა დაცვისა და ახალგაზრდობის საქმეთა სამსახური და იმერეთის რეგიონული ფეხბურთის ფედერაცია უწევენ.

1 მარტს, იმერეთის რეგიონული ფეხბურთის ფედერაციის მიერ ორგანიზებული "დასავლეთის თასი 2017"-ს გათამაშების მეორე ნახევარფინალი გაიმართა. საღორიას საწვრთნელი ბაზის ხელოვნურსაფარიან მოედანზე ზესტაფონის "მარგვეთი 2006"-მა ქუთაისის "ტორპედო-2"-ს ძირითადი დროის ფრედ (2:2) დასრულების შემდეგ პენალტების სერიაში 5:4 მოუგო.

"დასავლეთის თასი 2017"-ს გათამაშებაზე II ჯგუფში კიდევ ერთი მატჩი შედგა. წყალტუბოს "სამგურალი-2" ჩოხატაურს ეწვია, სადაც ადგილობრივი "ბახმარო" დაუხვდა. თამაში გურულების უპირატესობით წარიმართა, რომლებიც უკვე მე-16 წუთისთვის 3:0-ს იგებდნენ. მატჩის ბოლოს თემურ ლორიას შეგირდებმა (კერძოდ, ონისე ჩინჩალაძემ) ერთი გოლიც გაიტანეს და მეტოქეს საბოლოოდ 4:0 მოუგეს.

"დასავლეთის თასი 2017"-ს გათამაშებაზე მორიგი მატჩი გაიმართა II ჯგუფში. წყალტუბოში "სამგურალი-2" ზესტაფონის "მარგვეთი 2006"-ს დაუპირისპირდა და 1:4 წააგო. ანგარიში წყალტუბოელებმა გახსნეს, მაგრამ საკუთარ კარში გატანილი გოლით. ზვიად ქუთათელაძის გაწვრთნილებმა გათანაბრება მალე შეძლეს (ბესო პატარიძე) და პირველი ტაიმიც ფრედ დასრულდა.

ირფფ-ს მიერ ორგანიზებული "დასავლეთის თასი 2017"-ს გათამაშებაზე I ჯგუფის გუნდებს შორის "ტორპედო-2" და მარტვილის "სალხინო" ერთმანეთს ჯგუფური ეტაპის დასკვნით მატჩში შეხვდნენ. საღორიის საწვრთნელი ბაზის ხელოვნურსაფარიან მოედანზე ქუთათურები ამჯერად მიხეილ მახვილაძის გაწვრთნილი ფეხბურთელებით წარსდგნენ მეტოქის წინააღმდეგ. პირველ ტაიმში სერგო კუხიანიძისა და საბა ქვარიანის გატანილ გოლებს, მარტვილელმა ირაკლი ლაშქარავამ რეალიზებული 11-მეტრიანით უპასუხა და მატჩიც რიონისპირელთა მოგებით დასრულდა - 2:1.

ირფფ-ს მიერ ორგანიზებულ "დასავლეთის თასი 2017"-ს გათამაშებაზე ჩხოროწყუს "სამეგრელო" პირველი გუნდია, რომელმაც ჯგუფური ეტაპი დაასრულა (უამინდობამ ტურნირის კალენდარში გარკვეული კორექტივები შეიტანა). გიზო შენგელიას გაწვრთნილმა გუნდმა, ბოლო მატჩში წყალტუბოს 26 მაისის სახელობის ხელოვნურსაფარიან მოედანზე ზესტაფონის "მარგვეთი 2006"-ს 1:0 მოუგო.

იმერეთის რეგიონული ფეხბურთის ფედერაციის მიერ ორგანიზებული "დასავლეთის თასი 2017"-ს გათამაშების I ჯგუფში გუნდებმა ორი სრული ტური ჩაატარეს. დასკვნით მატჩში საღორიას საწვრთნელი ბაზის ხელოვნურსაფარიან მოედანზე "ტორპედო-2"-მა ჩხოროწყუს "ლესიჭინეს" 3:2 მოუგო და ბოლო ტურში ნაჩვენები შედეგის მიუხედავად ჯგუფში პირველი ადგილი გაინაღდა.

15 თებერვალს, "დასავლეთის თასი 2017"-ს გათამაშებამ წყალტუბოში გადაინაცვლა. II ჯგუფში, ჩხოროწყუს "სამეგრელო" ადგილობრივ "სამგურალი-2"-ს 26 მაისის სახელობის ხელოვნურსაფარიან მოედანზე დაუპირისპირდა და 2:1 მოუგო.

"დასავლეთის თასი 2017"-ს გათამაშების პირველი დღის მეორე მატჩში ერთმანეთს ჩხოროწყუს "ლესიჭინე" და მარტვილის "სალხინო" დაუპირისპირდნენ. პირველი ტაიმი მარტვილელთა უპირატესობით წარიმართა, მაგრამ მათ მისი გოლში ასახვა ვერ შეძლეს. მატჩის მეორე ნახევარში თამაშის სურათი შეიცვალა. მომენტებს მეტწილად ჩხოროწყუელები ქმნიდნენ, თუმცა ანგარიში მაინც არ შეცვლილა - 0:0.

14 თებერვალი. ქუთაისის "ტორპედოს" საწვრთნელი ბაზა. 13:00 საათი. 100 მაყურებელი.
"ლესიჭინე" (ჩხოროწყუ) – "სალხინო" (მარტვილი) 0:0
"ლესიჭინე": სასტარტო - ირაკლი სიორდია, ბესო დარსალია, ბექა ოყუჯავა, ირაკლი შანავა, ირაკლი ხვიჩია, ირაკლი ასათიანი, გიზო სიჭინავა, თენგიზი ჭალაღონია, გიორგი ცაავა, გიორგი ფარღავა, გიზო ხორავა (კაპ.);
სათადარიგოები - ტატო ჩქვანავა, გოგა იზორია, ილია იზორია, გიორგი სორდია, მოგელი ბაბილუა, თენგო ჯომიდავა.
მთავარი მწვრთნელი: ერემია ციმაკურიძე.
"სალხინო": სასტარტო - გიორგი კობეშავიძე (კაპ.), თეიმურაზ ჩხეტია, გიორგი ქაჯაია, ოთო ბერიშვილი, გოგა ქვარცხავა, ევგენი ქაჯაია, ლაშა ქიქავა, გიორგი ოდიშარია, გიორგი დარჯანია, ცოტნე ხელაია, ნიკა ჩალგაზია;
სათადარიგოები - გუგა გვილავა, ლაშა სურმავა, ბაჩო ჯიჯელავა, მათე გაბელია, ირაკლი ლაშქარავა, ლადო ახალაია, ირაკლი ჯანჯღავა.
მთავარი მწვრთნელი: გალაქტიონ ჭუბაბრია.
გაფრთხილებები: ხვიჩია (42), ხელაია (50), ახალაია (55).
მსაჯები: ბექა კუნჭულია (ქუთაისი), ალექსანდრე თავაძე (სამტრედია), ბექა ქევანიშვილი (ქუთაისი).